16/November/2026

کوہاٹ: حملے میں ہلاک دہشت گرد افغان شہری نکلا، سونے کی غیر قانونی کان کنی اور دہشت گردی کا گٹھ جوڑ بے نقاب

👁️ 8 بار دیکھا گیا

ایڈمن
امریکا
کوہاٹ: حملے میں ہلاک دہشت گرد افغان شہری نکلا، سونے کی غیر قانونی کان کنی اور دہشت گردی کا گٹھ جوڑ بے نقاب

کوہاٹ: حملے میں ہلاک دہشت گرد افغان شہری نکلا، سونے کی غیر قانونی کان کنی اور دہشت گردی کا گٹھ جوڑ بے نقاب

کوہاٹ (ڈیلی اردو): 11 نومبر کو کوہاٹ میں سونے کی غیر قانونی کان کنی کے خلاف آپریشن کے دوران ٹی ٹی پی کے حملے میں پولیس اہلکار ہلاک ہوئے، جس کے بعد جوابی کارروائی میں ہلاک دہشت گردوں میں سے ایک کی شناخت افغان شہری کے طور پر ہوئی ہے۔ باقی چار دہشت گردوں کی شناخت کا عمل جاری ہے۔

 

انٹیلی جنس ذرائع کے مطابق ہلاک دہشت گرد کی ایک پرانی تصویر میں وہ کابل میں افغان طالبان کے ایک رہنما کا ذاتی محافظ دکھائی دے رہا ہے۔ انٹیلی جنس ادارے باقی دہشت گردوں کی شناخت اور پس منظر جاننے کے لیے تصاویر اور دستیاب معلومات کا جائزہ لے رہے ہیں۔

 

خیبر پختونخوا کے گورنر فیصل کریم کنڈی نے دعویٰ کیا ہے کہ صوبے سے غیر قانونی طور پر نکالا گیا تقریباً 80 فیصد سونا افغانستان لے جایا جاتا تھا۔ وزیر اعظم کے کوآرڈینیٹر اختیار ولی نے الزام عائد کیا ہے کہ دہشت گرد عناصر غیر قانونی کان کنی کرنے والوں سے ماہانہ 7 لاکھ روپے بھتہ وصول کرتے تھے، جبکہ باہر سے آنے والے کان کنوں سے 11 لاکھ روپے لیے جاتے تھے۔

 

سیکیورٹی ماہرین نے مطالبہ کیا ہے کہ غیر قانونی کان کنی، بھتہ خوری اور دہشت گردوں کی مالی معاونت کے درمیان مبینہ رابطوں کی گہرائی سے تحقیقات کی جائیں، جبکہ دہشت گرد نیٹ ورکس کے خلاف انٹیلی جنس بنیاد پر کارروائیاں جاری رہیں گی۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C