کوہاٹ سے تحریک طالبان پاکستان کے 2 دہشتگرد گرفتار، 67 لاکھ روپے برآمد

پشاور (بیورو رپورٹ) صوبہ خیبر پختونخوا کے ضلع کوہاٹ میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے دو مبینہ دہشت گردوں کو گرفتار کرلیا۔

تفصیلات کے مطابق سی ٹی ڈی کوہاٹ ریجن اور حساس اداروں نے خفیہ اطلاع پر ہنگو روڈ پر ناکہ بندی کے دوران کارروائی کرتے ہوئے 2 دہشت گردوں کو گرفتار کرلیا، ملزموں کی شناخت عزیز اللہ اور محمد شعیب کے نام سے ہوئی ہے جو سی ٹی ڈی کوہاٹ کو دہشت گردی کی وارداتوں میں مطلوب تھے۔

ذرائع کے مطابق گرفتار دہشت گردوں نے ضلع کرم میں ٹاور سے مزدوروں کو اغوا کرکے ایک کو قتل جبکہ دیگر سے رہائی کیلئے تاوان وصول کیا تھا تاہم دوران تفتیش و نشاندہی پر ملزم عزیز اللہ کے مکان سے 67 لاکھ روپے تاوان کی رقم اور ہیوی مشین گن، ہینڈ گرینیڈ سمیت کارتوس کی بڑی تعداد برآمد کرلی گئی۔

پولیس کے مطابق دہشت گردوں کا تعلق کالعدم تنظیم تحریک طالبان پاکستان (ٹی ٹی پی) سے ہے جب کہ ملزمان کو نامعلوم مقام پر منتقل کرکے تفتیش شرشروع کردی۔