گلگت بلتستان: بلند آواز میں ماتمی نوحہ سننے پر دو شیعہ نوجوان قتل، حالات کشیدہ

اسلام آباد + گلگت (ش ح ط/ڈیلی اردو) صوبہ گلگت بلتستان کے علاقے نلتر بالا میں عید کے روز پکنک پر جانے والے شیعہ سنی گروپوں میں نوحہ سننے پر تصادم ہوا۔ جس کے نتیجے میں دو شیعہ نوجوان ہلاک ہوگئے۔

سرکاری ذرائع مطابق چند اہل تشیع نوجوان ایک بازار میں سگریٹ لینے رکے جبکہ گاڑی میں اونچی آواز میں “ماتمی نوحے” لگائے تھے جس پر سنی افراد نے اعتراض کیا جس پر لڑائی شروع ہو گئی۔ پولیس حکام نے نمائندہ ڈیلی اردو کو بتایا کہ مقامی لوگوں کے دو گروپوں میں اونچی آواز میں ماتمی نوحہ پر جھگڑا ہوا۔ سنی گروپ کے چند شرپسند عناصر نے شیعہ نوجوانوں پر پتھراؤ اور فائرنگ شروع کردی۔ جس کے نتیجے میں شیعہ نوجوان فرجات حسین موقع پر ہی دم توڑ گیا جبکہ سلیم عباس دوران علاج مقامی ہسپتال میں دم توڑ گیا، دونوں نوجوانوں کا تعلق نلتر پائین سے ہے۔

فرجاد حسین ہمارا ساتھی، ہمارا دوست اور ہمارا بھائی تھا۔ ایک بہت ہی خوبصورت انسان اب اس دینا میں نہیں رہا۔ فرقہ واریت اور مذہبی انتہا پسندی کا شکار ہونے والا فرجاد تو سب کا خیال رکھتا تھا۔ اس کے قتل کا حساب ریاست کو دینا ہوگا۔ @RandhawaAli اور دیگر افسران فوری طور پر جواب دیں۔

— Haider Kaleem (@HaiderKaleemB) May 26, 2020

واقعے کے بعد سے علاقے میں کشیدگی کی فضا برقرار ہے۔ ایک طرف شیعہ برادری حملے کے خلاف احتجاج کر رہے ہیں، وہیں پولیس کی بھاری نفری بھی تعینات کی گئی ہے۔

He brought the dumplings from Mamtu De Hunza to our nowruz events and that was how I was introduced to the cuisine of GB. Can't believe this young man – so full of life and vitality – is no more. ???? https://t.co/FyaexiEq69

— Aima Khosa (@aimaMK) May 26, 2020

وزیراعلیٰ گلگت بلتستان حافظ حفیظ الرحمان نے واقعہ کا نوٹس لیتے ہوئے آئی جی پولیس سے رپورٹ طلب کرلی اور علاقے میں امن و امان برقرار رکھنے کے لیے پولیس کی بھاری نفری تعینات کردی گئی ہے۔

پولیس کا کہنا تھا کہ اس وقت زیادہ توجہ قیامِ امن پر ہے۔ انہوں نے بتایا کہ علاقے میں موجود شیعہ برداری کے افراد کی سکیورٹی کے لیے پولیس اہلکار تعینات کیے گئے ہیں۔

سانحہ نلتر گلگت بلتستان کے خلاف سازش اس کے پس پشت محرکات کی جانچ پڑتال کرنا ضروری ہے۔
شہدوں کے لواحقین کو اللہ صبر جمیل عطا کرے۔آمین pic.twitter.com/W96hf9eC2l

— Raja Hussain Rajwa (@rajwa2020) May 26, 2020

مقامی انتظامیہ کے مطابق اب تک 20 سے زائد افراد کو گرفتار کر لیا گیا ہے۔