یوم تکبیر: مسلم لیگ نے آج کے دن ملک کو نیا استحکام بخشا، شہباز شریف

لاہور (ویب ڈیسک) مسلم لیگ ن کے صدر شہباز شریف کا کہنا ہے کہ ایٹمی دھماکے کرنے کے لیے نواز شریف نے بھاری معاشی پیکج ٹھکرا دیا تھا اور آج کے دن ملک کو نیا استحکام بخشا۔

پاکستان نے آج سے 22 سال قبل نواز شریف کے دور حکومت میں بھارت کی جانب سے ایٹمی دھماکوں کے جواب میں 28 مئی 1998 کو صوبہ بلوچستان کے ضلع چاغی کے مقام پر پانچ کامیاب ایٹمی دھماکے کیے جس کے بعد اس دن کو یوم تکبیر کے نام سے موسوم کیا گیا۔

یوم تکبیر کی تقریب سے ویڈیو لنک کے ذریعے خطاب کرتے ہوئے پاکستان مسلم لیگ ن کے صدر شہبازشریف  نے کہ آج کے دن مسلم لیگ کی حکومت نے ملک کو نیا استحکام بخشا۔

لاہور میں مسلم لیگ (ن) کی یوم تکبیر سے حوالے سے مرکزی تقریب میں شاہد خاقان عباسی, احسن اقبال, سعد رفیق, رانا ثنا اللہ خان, پرویز رشید و دیگر کی شرکت. صدر مسلم لیگ (ن) شہباز شریف کا ویڈیو لنک کے ذریعے خطاب https://t.co/jU0s70nu75

— PMLN (@pmln_org) May 28, 2020

انہوں نے کہا کہ ہم دنیا کے سامنے سر اٹھا کر جینا چاہتے ہیں اور ملکی دفاع پر کوئی سمجھوتا نہیں کریں گے۔

شہباز شریف کا کہنا تھا کہ موجودہ حکومت کے سربراہ کنفیوژڈ ہیں، بھارت مقبوضہ کشمیر میں جارحیت جاری رکھے ہوئے ہے اور مقبوضہ وادی بیگناہ کشمیریوں کے خون سے سرخ ہو رہی ہے۔

لاہور میں منعقد اس تقریب سے خطاب کرتے ہوئے ن لیگ کے رہنما سعد رفیق نے کہا حکمرانوں کے چلن ملک چلانے والے نہیں، ملک میں جمہوریت نہ ہو تو ایٹم بم بھی کام نہیں آتا۔

احسن اقبال نے کہا کہ قومی اداروں کی صلاحیت بدترین سطح پر آگئی ہے، معیشت تباہ ہو جائے تو باقی کیا بچتا ہے۔

لاہور میں مسلم لیگ (ن) کی یوم تکبیر سے حوالے سے مرکزی تقریب میں شاہد خاقان عباسی, احسن اقبال, سعد رفیق, رانا ثنا اللہ خان, پرویز رشید و دیگر کی شرکت. صدر مسلم لیگ (ن) شہباز شریف کا ویڈیو لنک کے ذریعے خطاب https://t.co/qS2LHlV7u5

— PMLN (@pmln_org) May 28, 2020

سابق وزیراعظم شاہد خاقان عباسی نے کہا کہ ملک کی ایٹمی صلاحیت مضبوط معیشت کی ضامن نہیں ہے۔