‏گجرات: اعتکاف پر بیٹھے 15 سالہ بچے کے ساتھ جنسی زیادتی، ملزم گرفتار

گجرات (ڈیلی اردو) صوبہ پنجاب کے ضلع گجرات کے نواحی گاؤں پوٹھی میں اعتکاف پر بیٹھے بچے کے ساتھ جنسی زیادتی کا مقدمہ تھانہ بولاٹی پولیس نے درج کر لیا۔

تفصیلات کے مطابق 15 سالہ عادل حسین جو کہ نویں جماعت کا طالب علم ہے۔ پوٹھی کی نورانی مسجد میں اعتکاف پر بیٹھا تھا۔ بچے کے والد شیراز حسین کی جانب سے پولیس کو دی گئی درخواست میں مؤقف اختیار کیا گیا کہ میں اپنے بیٹے کو کھانا دینے گیا تو مجھے اپنے بچے کے چیخنے کی آواز سنائی دی۔ جب میں موقع پر پہنچا تو ملزم تبریز بچے کے ساتھ زبردستی بدفعلی کی کوشش کررہا تھا، تاہم مجھے دیکھ کر ملزم موقع سے فرار ہو گیا۔

بچے کے والد نے کہا کہ مسجد میں میرے بچے کے ساتھ زیادتی کی کوشش کرنا انتہائی افسوسناک ہے۔ ملزم کے خلاف سخت سے سخت کارروائی کی جانی چاہیے، جس کے بعد پولیس نے مقدمہ درج کر کے ملزم تبریز والد شبیر حسین جٹ کو گرفتار کرلیا۔