10 روز قبل دہشت گردوں کی فائرنگ سے زخمی ہونیوالا انسپکٹر احمد گل خان ہسپتال میں دم توڑ گیا

اسلام آباد (ش ح ط) صوبہ خیبر پختونخوا کے صوبائی حکومت پشاور کے علاقے میں 10 روز قبل نامعلوم موٹرسائیکل سواروں کی فائرنگ سے زخمی ہونے والا پولیس انسپکٹر احمد گل خان لیڈی ریڈنگ ہسپتال میں دم توڑ گیا ہے۔

https://twitter.com/ShabbirTuri/status/1476173751083356160?t=2R6BOcsw47qKioLDJmbvwQ&s=19

تفصیلات کے مطابق انسپکٹر احمد گل 10روز قبل دلازاک روڈ سے گزر رہا تھا کہ نامعلوم موٹرسائیکل سواروں نے اس کو فائرنگ کر کے شدید زخمی کر دیا تھا جبکہ ملزمان موقع سے فرار ہو گئے تھے۔ زخمی انسپکٹر احمد گل خان طبی امداد کے لئے لیڈی ریڈنگ ہسپتال داخل کرا دیا گیا تھا۔ جہاں وہ 10 روز زندگی اور موت کی کشمکش میں مبتلا رہنے کے بعد دم توڑ گیا ہے۔

گزشتہ دنوں پشاور میں نامعلوم شرپسندوں کی فائرنگ سے شدید زخمی ہونیوالے انسپکٹر احمد گل شہادت کے اعلی مرتبے پر فائز ہوگئے۔#KPPolice#ShaheedInspectorAhmadGul#Shaheed pic.twitter.com/DcIRReGbB7

— KP Police (@KP_Police1) December 29, 2021

کالعدم تنظیم تحریک طالبان پاکستان نے اس حملے کی ذمہ داری قبول کرلی تھی۔

بدھ کو انسپکٹر احمد گل خان کی نماز جنازہ پولیس لائن پشاور میں ادا کر دی گئی۔ انسپکٹر جنرل آف پولیس خیبر پختونخوا معظم جاہ انصاری، سی سی پی او پشاور عباس احسن، ایس ایس پی آپریشن ہارون رشید، نومنتخب میئر پشاور زبیر علی اور دیگر افراد نے نماز جنازہ میں شرکت کی۔

پشاور : شہید انسپکٹر احمد گل خان کی نمازجنازہ پولیس لائنز میں پورے سرکاری اعزاز کیساتھ ادا کردی گئی۔

پولیس کے چاق و چوبند دستے نے شہید کو سلامی پیش کی، آئی جی پی خیبرپختونخوا معظم جاہ انصاری اور دیگر شرکاء نے شہید کے جسد خاکی پر پھول چڑھائے اور ان کے بلند درجات کے لئے دعا کی۔ pic.twitter.com/Orvw52roe0

— KP Police (@KP_Police1) December 29, 2021