80 برس بعد پھر سے جرمن ٹینکوں کا سامنا ہے، صدر پیوٹن

ماسکو (ڈیلی اردو/اے ایف پی) روس کے صدر ولادی میر پیوٹن نے کہا ہے کہ تاریخ اپنے آپ کو دہرا رہی ہے، 80 برس بعد ہمیں پھر سے جرمن ٹینکوں کا سامنا ہے۔

Russian President Vladimir Putin, speaking Thursday at a ceremony marking the Red Army's victory against Nazi troops 80 yrs ago in Stalingrad, vowed a decisive response to any country threatening Russia and slammed Germany for promising tanks for Kyiv

➡️https://t.co/lmDO3OzsvV pic.twitter.com/icI39DREvk

— AFP News Agency (@AFP) February 2, 2023

غیر ملکی خبر رساں ادارے اے ایف پی کے مطابق اسٹالن گرڈ جنگ کے اختتام کی 80 ویں سالگرہ کے موقع پر اپنے خطاب میں پیوٹن نے روس اور یوکرین کے درمیان جاری جنگ کا موازنہ نازی، جرمنی لڑائی سے کیا۔

President Putin compares Russia's invasion of Ukraine to the fight against Nazi Germany https://t.co/hIMfgB4k2z

— BBC News (World) (@BBCWorld) February 2, 2023

جرمنی کی جانب سے یوکرین کو لیپرڈ ٹینکوں کی فراہمی کے فیصلے کا حوالہ دیتے ہوئے انہوں نے دعویٰ کیا کہ تاریخ اپنے آپ کو دہرا رہی ہے، یہ ناقابل یقین لیکن سچ ہے، ہمیں ایک بار پھر جرمن ٹینکوں سے خطرہ لاحق ہے۔

روسی صدر نے اپنے خطاب کے دوران کہا کہ جو لوگ میدان جنگ میں روس کو شکست دینے کی امید رکھتے ہیں وہ نہیں جانتے کہ روس کے ساتھ جدید جنگ ان کے لیے بہت مختلف ہو گی، ہم اپنے ٹینک ان کی سرحدوں پر نہیں بھیج رہے لیکن ہمارے پاس جواب دینے کے ذرائع موجود ہیں۔

دوسری جانب کریملن کے ترجمان دمتری پیسکوف نے پیوٹن کے خطاب کی وضاحت کرنے سے انکار کر دیا تاہم انہوں نے صحافیوں کو بتایا کہ اگر مغرب کی طرف سے یوکرین کو نئے ہتھیار فراہم کیے جائیں گے تو روس جواب دینے کی اپنی صلاحیت کا زیادہ استعمال کرے گا۔