آر ایس ایف نے الفاشر میں دو ہزار سے زائد نہتے شہری مار دیے، سوڈانی فوجی اتحاد

خرطوم (ڈیلی اردو) سوڈانی فوج کی اتحادی جوائنٹ فورسز نے الزام لگایا ہے کہ نیم فوجی دستے ریپڈ سپورٹ فورسز (آر ایس ایف) نے مغربی شہر الفاشر پر قبضے کے بعد ’’دو ہزار سے زائد نہتے شہریوں کو قتل‘‘ کیا ہے۔

فوجی بیان میں دعویٰ کیا گیا ہے کہ ، ’’آر ایس ایف نے الفاشر شہر میں معصوم شہریوں کے خلاف ہولناک جرائم کیے، جہاں 26 اور 27 اکتوبر کو دو ہزار سے زیادہ نہتے شہریوں، جن میں زیادہ تر خواتین، بچے اور بوڑھے شامل تھے، کو پھانسی دے کر قتل کیا گیا۔‘‘

سوڈانی فوج کے سربراہ نے پیر کو تصدیق کی کہ ان کے دستے آر ایس ایف کے طویل محاصرے کے بعد الفاشر سے پیچھے ہٹ گئے ہیں۔

اقوام متحدہ نے خبردار کیا ہے کہ شہر میں نسلی بنیادوں پر بڑے پیمانے پر قتل و غارت اور مظالم کے خطرات روز بروز بڑھ رہے ہیں۔