اربعین 2025 جلاؤ گھیراؤ ، خاتون سمیت داعش کے 19 ارکان کو عمر قید کی سزا

کربلا (ڈیلی اردو) عراق کے مقدس شہر کربلا کی فوجداری عدالت نے جمعرات کے روز 19 دہشتگردوں کو عمر قید کی سزا سنائی ہے، جن میں ایک خاتون بھی شامل ہے۔ یہ افراد امام حسین کی اربعین 2025 کی زیارت کے دوران متعدد حسینی مواکب کو آگ لگانے میں ملوث تھے۔

عدالتی اعلامیے کے مطابق یہ تمام افراد داعش سے وابستہ تھے اور انہوں نے اربعین کے موقع پر شہریوں کو نشانہ بنانے، خوف و ہراس پھیلانے اور مجرمانہ مقاصد حاصل کرنے کے لیے جلاؤ گھیراؤ کی کارروائیاں انجام دیں۔

سزا دہشتگردی کے قانون نمبر 13 سال 2005 کی دفعہ 4 (1) کے تحت سنائی گئی ہے، جب کہ قانون کی دفعہ 2 کی شقوں 1، 2، 4 اور 7، نیز فوجداری قانون کی دفعات 47، 48 اور 49 کے تحت جرم میں شمولیت کے ثبوت بھی شامل کیے گئے۔ علاوہ ازیں قانون کی دفعہ 132 (1) کی روشنی میں بھی فیصلہ صادر کیا گیا۔