امریکا میں ہوٹل کے باہر فائرنگ، ایک ڈچ فوجی ہلاک، دو زخمی

واشنگٹن (ڈیلی اردو/اے پی) امریکا کی ریاست انڈیاناپولس میں ہوٹل کے باہر فائرنگ سے نیدرلینڈز کی فوج کا ایک اہلکار ہلاک اور دو زخمی ہوگئے۔

One of three Dutch soldiers wounded in a shooting outside a hotel in downtown Indianapolis over the weekend has died of his injuries. The Indiana National Guard said the soldiers were in the U.S. for training at the Muscatatuck Urban Training Center. https://t.co/fBHQtZeWjL

— AP Europe (@AP_Europe) August 29, 2022

غیر ملکی ٹی وی چینل سی این این کی رپورٹ کے مطابق تینوں اہلکار ڈچ کمانڈو کور کے رکن تھے جو انڈیانا میں جاری ایک فوجی مشق میں حصہ لے رہی ہے۔

ہفتے کی صبح چار بچے ہوٹل کے باہر فائرنگ کا واقعہ پیش آیا، زخمی اہلکاروں کو مقامی اسپتال لے جایا گیا، جہاں ایک اہلکار زخموں کی تاب نہ لاتے ہوئے چل بسا۔

پولیس کا کہنا ہے کہ ابتدائی تحقیقات کے مطابق ڈچ فوج اہلکاروں اور حملہ آور ملزمان کے درمیان تلخ کلامی ہوئی تھی جس کے بعد ملزمان نے فائرنگ کردی۔

نیدرلینڈز کی وزارت دفاع کے مطابق فائرنگ کا واقعہ اس ہوٹل کے باہر ہوا جہاں ڈچ اہلکار قیام پذیر ہیں۔