امریکی فوج کا جدید ترین لڑاکا طیارہ ‘ایف-35’ گر کر تباہ

واشنگٹن (بیورو رپورٹ) امریکی فوج کا ایک جدید اور مہنگا ترین ‘ایف-35’ لڑاکا طیارہ ریاست الاسکا میں گر کر تباہ ہوگیا ہے۔

ڈیلی اردو کے مطابق امریکی فضائیہ کے زیرِ استعمال ایف 35 لڑاکا طیارہ الاسکا میں امریکی ایئر فورس بیس پر گر کر تباہ ہوا۔ جبکہ جنگی طیارے کا پائلٹ بحفاظت طیارے سے ایجیکٹ کرنے میں کامیاب رہا ہے۔

امریکی لڑاکا طیارے کے گرنے اور تباہ ہونے کی ویڈیو بھی منظر عام پر آگئی۔

امریکی فضائیہ کے مطابق ہماری اولین ترجیح ہمارے فوجی ہیں اور ہم اپنے اہلکاروں کی حفاظت کو ہر صورت یقینی بنائیں گے۔

‘ایف-35’ کی قیمت 10 کروڑ ڈالر کے لگ بھگ ہے اور اس کا شمار دنیا کے مہنگے ترین جنگی طیاروں میں ہوتا ہے۔ یہ طیارہ راڈار کی پکڑ سے محفوظ رہنے کی صلاحیت رکھتا ہے۔