اورکزئی: جاسوسی کا الزام، عسکریت پسندوں کی فائرنگ سے ایک شخص ہلاک

اورکزئی (نمائندہ ڈیلی اردو) پاکستان کے شورش زدہ صوبے خیبرپختونخوا کے قبائلی ضلع اورکزئی میں عسکریت پسندوں نے جاسوسی کے الزام میں ایک شخص کو گولیاں مار کر ہلاک کر دیا۔

پولیس ذرائع کے مطابق یہ واقعہ تھانہ ڈبوری کی حدود میں پیش آیا۔ ہلاک ہونے والے شخص کی شناخت 50 سالہ محمد خیال (قوم ماموزئی) کے نام سے ہوئی ہے۔

پولیس کا کہنا ہے کہ نامعلوم عسکریت پسندوں نے محمد خیال پر فائرنگ کی، جس کے نتیجے میں وہ موقع پر ہی ہلاک ہو گئے۔ نعش کے ساتھ ایک سفید پرچی بھی ملی ہے، جس پر تحریر تھا:

“جو مجاہدین کی جاسوسی اور حکومت کی حمایت کرے گا، اس کا یہی انجام ہوگا۔”

پولیس کے مطابق نعش کو ہسپتال منتقل کر دیا گیا ہے جبکہ واقعے کی مختلف پہلوؤں سے تحقیقات شروع کر دی گئی ہیں۔