ایران میں جنگ کے دوران “دشمن سے تعاون” کے الزام میں 262 جائیدادیں ضبط

تہران (ڈیلی اردو) ایرانی عدلیہ کے ترجمان اصغر جہانگیر نے کہا ہے کہ جنگ کے آغاز سے لے کر اب تک 262 جائیدادیں ضبط کی جا چکی ہیں۔

یہ جائیدادیں اُن افراد کی ہیں جن پر الزام ہے کہ انہوں نے جنگ کے دوران دشمن کے ساتھ تعاون کیا۔ ان میں صحافی، سیاست دان، فنکار اور اداکار شامل ہیں۔

اصغر جہانگیر کے مطابق ان مقدمات کو عدالت میں حتمی شکل دینے کے بعد یہ جائیدادیں ایرانی قوم کے فائدے کے لیے ضبط کر لی جائیں گی۔

انہوں نے کہا کہ ان افراد کے اثاثوں کو ضبط کرنے کے قانونی عمل کی تفصیلات تاحال واضح نہیں ہیں۔

اس کے ساتھ ہی جنگ کے دوران سوشل میڈیا پر بعض گروہوں کی جانب سے حکومت مخالف افراد کی نشاندہی اور انہیں “جنگ کے حامی” قرار دینے کی مہم بھی سامنے آئی۔