بلوچستان: تربت میں دہشت گردوں کی فائرنگ سے سی ٹی ڈی اہلکار ہلاک

کوئٹہ (ڈیلی اردو) پاکستان کے شورش زدہ صوبہ بلوچستان کے ضلع کیچ کے ہیڈکوارٹر تربت میں دہشت گردوں کی فائرنگ سے کاؤنٹر ٹیررازم ڈیپارٹمنٹ (سی ٹی ڈی) کا ایک اہلکار ہلاک ہو گیا ہے۔

پولیس کے مطابق نامعلوم مسلح دہشت گردوں نے ملک آباد کے علاقے میں سی ٹی ڈی اہلکار کو ٹارگٹ کلنگ کا نشانہ بنایا، جس کے بعد حملہ آور فرار ہونے میں کامیاب ہو گئے۔ ہلاک ہونے والے اہلکار کی شناخت شبیر احمد آسکانی کے نام سے ہوئی ہے۔

پولیس کے مطابق واقعے کی تحقیقات شروع کر دی گئی ہیں جبکہ حملہ آوروں کی تلاش جاری ہے۔

یاد رہے کہ اس سے قبل ہفتے کے روز بھی مسلح دہشت گردوں کی فائرنگ سے ایک لیڈی پولیس کانسٹیبل ہلاک اور ان کے شوہر اور بچہ زخمی ہوگئے تھے۔