بلوچستان: جعفر ایکسپریس بم دھماکے سے بال بال بچ گئی

کوئٹہ  (نمائندہ ڈیلی اردو) پاکستان کے شورش زدہ صوبے بلوچستان کے ضلع نصیرآباد کے شہر ڈیرہ مراد جمالی میں جعفر ایکسپریس کے قریب ریلوے ٹریک پر بم دھماکہ ہوا، تاہم ٹرین گزرنے کے چند منٹ بعد ہونے والے دھماکے میں مسافر محفوظ رہے۔

پولیس ذرائع کے مطابق دھماکے سے ریلوے ٹریک متاثر ہوا، لیکن کوئی جانی نقصان نہیں ہوا۔ دھماکے کے وقت پشاور سے کوئٹہ جانے والی جعفر ایکسپریس ٹریک سے گزر چکی تھی۔

یہ واقعہ گزشتہ چند ماہ کے دوران جعفر ایکسپریس پر ہونے والے متعدد حملوں کا تازہ ترین ہے۔ 

یاد رہے کہ 6 اکتوبر کو سندھ کے ضلع شکارپور میں جعفر ایکسپریس کی پانچ بوگیاں دھماکے کی وجہ سے پٹڑی سے اُتر گئیں، جس میں کم از کم سات مسافر زخمی ہوئے تھے۔ 

اس کے علاوہ کو شکارپور سے تقریباً 60 کلومیٹر دور جیکب آباد میں بھی چند ماہ کے دوران دو مرتبہ ٹرین کو نشانہ بنایا گیا تھا۔