بلوچستان: دکی میں نامعلوم افراد کی فائرنگ سے لیویز اہلکار ہلاک

کوئٹہ (بیورو رپورٹ) صوبہ بلوچستان کے ضلع دکی کے علاقے مندے ٹک کے مقام پر نامعلوم فائرنگ سے لیویز فورس کا ایک اہلکار ہلاک ہوگیا ہے۔

پولیس حکام کے مطابق دکی کے سیاحتی مقام مندے ٹک کے مقام پر پکنک کے دوران فائرنگ سے لیویز اہلکار شمس اللہ ہلاک ہوگئے.

https://x.com/cozyduke_apt29/status/1795066615861481667?t=xLysAa3R0xydrJ9dVt7Wnw&s=19

ایس ایچ او جلیل احمد مری کے مطابق لیویز اہلکار دیگر تین دوستوں کے ہمراہ پکنک منانے کے لئے سیاحتی مقام مندے ٹک گیا ہوا تھا۔ ان کے دوستوں کا کہنا ہے کہ ہم نماز پڑھ رہے تھے کہ مسلح افراد نےلیویز اہلکار پر فائرنگ کرکے فرار ہوگئے، جس کی وجہ سے لیویز اہلکار موقع پر دم توڑ گیا۔

پولیس حکام کے مطابق اب تک حاصل ہونے والے شواہد کے مطابق یہ ٹارگٹ کلنگ کے واقعہ ہے۔

واقعے کے فورا بعد اعلیٰ پولیس افسران اور لیویز اہلکار وہاں پہنچ گئے اور تحقیقات شروع کر دی گئیں۔