بلوچستان میں دہشت گردی کا بڑا منصوبہ ناکام، بلوچ لبریشن آرمی کے 4 مبینہ دہشت گرد گرفتار

کوئٹہ (بیورو رپورٹ) کاؤنٹر ٹیررازم ڈپارٹمنٹ (سی ٹی ڈی) نے بلوچستان میں دہشت گردی کا بڑا منصوبہ ناکام بناتے ہوئے مختلف علاقوں میں آپریشن کے دوران کالعدم تنظیم بلوچ لبریشن آرمی (بی ایل اے) کے چار دہشت گردوں کو گرفتارکرلیا۔

The Counter Terrorism Department #CTD #Balochistan claiming #four more arrests of alleged terrorists belonging to #BLA, two of arrested were involved in killing of HUB based Journalist Shahid Zehri & Habib Shah, #CTD claimed. https://t.co/PufLwKutdr pic.twitter.com/KLKy5cAA64

— ???????? (@Info_Balochistn) November 8, 2022

ترجمان سی ٹی ڈی کے مطابق کوئٹہ کے علاقے قمبرانی روڈ بشیر چوک پر انٹیلی جنس بیسڈ آپریشن کیا گیا، اہلکاروں نے علاقے میں خفیہ اطلاع پر ایک مشکوک موٹر سائیکل کو رُکنے کا اشارہ کیا تاہم موٹر سائیکل پر موجود افراد رکنے کی بجائے فرار ہو گئے۔

CTD balochistan has arrested two associates of BLA, named Abdul Wajid and Jan Muhammad from quetta with pistols and hand grenade. Both have got training at BLA camp @ Nagaho mountains and were facilitating terrorist network at quetta.

— CTD Balochistan Police Official (@ctd_balochistan) November 8, 2022

ترجمان کا کہنا ہے کہ سی ٹی ڈی اہلکاروں نے دہشت گردوں کا پیچھا کرتے ہوئے انہیں گرفتار کرلیا، ملزمان کی شناخت کالعدم تنظیم بلوچ لبریشن آرمی کے 2 دہشت گرد عبدالواجد اور جان محمد کے نام سے کرلی گئی، ان کے قبضے سے نائم ایم ایم پستول، 9 کارتوس اور 2 دستی بم بھی برآمد ہوئے ہیں۔

ترجمان نے مزید بتایا کہ گرفتار ملزمان مطلوب دہشت گرد کمانڈر فاروق بنگلزئی کے دست راست ہیں اور وہ نگاؤ پہاڑی سلسلے کے راستے دہشت گرد کارروائی کرنے کیلئے کوئٹہ میں داخل ہوئے تھے۔

ترجمان سی ٹی ڈی کا کہنا ہے کہ گرفتار دہشت گردوں نے اعتراف کیا ہے کہ انہوں نے فاروق بنگلزئی کے کہنے پر کوئٹہ میں دہشت گردی کی متعدد وارداتیں کیں اور مستقبل میں سیکیورٹی فورسز اور شہریوں پر حملوں کی منصوبہ بندی کررہے تھے۔

فورسز نے دوسری کارروائی ضلع لسبیلہ میں دریائے حب کے قریب کی، جہاں انٹیلی جنس بیسڈ آپریشن کے دوران کالعدم تنظیم بلوچ لبریشن آرمی کے 2 دہشت گردوں دوست محمد اور محمد اسماعیل کو گرفتار کرلیا گیا، جن کے قبضے سے 3 کلو بارودی مواد، دستی بم، الیکٹرک ڈیٹونیٹر، پرائما کارڈ برآمد کرلئے گئے۔

In another IBO today near Lasi Forms sakran road Hub, two more terrorists of BLA Dost Muhammad and Muhammad ismail have been apprehended with explosives, detonators and hand grenades. Both belong to the group which carried out attacks against journalist Shahid Zehri & Habib shah

— CTD Balochistan Police Official (@ctd_balochistan) November 8, 2022

سی ٹی ڈی کے مطابق دہشت گرد اٹک سیمنٹ فیکٹری کی مشینری اور مزدوروں پر حملہ کرنا چاہتے تھے، گرفتار دہشت گرد صحافی شاہد زہری اور ایس ایف حبیب اللہ کے قتل میں بھی ملوث رہے ہیں۔

ترجمان سی ٹی ڈی کا کہنا ہے کہ کالعدم تنظیم بلوچ لبریشن آرمی کے گرفتار چاروں دہشت گردوں کیخلاف مقدمات درج کرلئے گئے، مزید تحقیقات جاری ہیں۔