بلوچستان میں سیکورٹی فورسز کے قافلے پر حملہ، چار اہلکار ہلاک، ایک زخمی

کوئٹہ (ڈیلی اردو) صوبہ بلوچستان کے ضلع کیچ میں سیکورٹی فورسز کے قافلے پر حملے میں چار اہلکار ہلاک اور ایک زخمی ہو گیا۔

سرکاری ذرائع کے مطابق حملہ جمعے اور پیر کی درمیانی شب کیچ کے علاقے گوکدان کے مقام پر کیا گیا۔

https://twitter.com/ShabbirTuri/status/1606558665254834176?t=Buu61vpe3o0lLaCQhQ-H-Q&s=19

سیکورٹی فورسز کی دو گاڑیوں پر مشتمل قافلہ ایف سی ہیڈ کوارٹر سے ڈی بلوچ کے علاقے کی طرف جا رہا تھا کہ راستے میں گھات لگائے بلوچ حملہ آوروں نے سیکورٹی فورسز کی گاڑیوں پر حملہ کر دیا، جس کے نتیجے میں چار اہلکار موقع پر ہی ہلاک ہوگئے۔

اس حملے میں ہلاک ہونے والوں میں صوبیدار اظہر، سپاہی ذوالفقار، سپاہی ابراہیم اور سپاہی ساجد شامل ہیں۔

ذرائع نے بتایا کہ ان میں سے ایک اہلکار شدید زخمی ہیں جنہیں سی ایم ایچ کوئٹہ منتقل کر دیا گیا ہے۔

واقعہ کی بعد سکیورٹی فورسز نے پورے علاقے کو گھیرے میں لیکر نامعلوم حملہ آوروں کی تلاش شروع کردی ہے، لیکن آخر ی اطلاعات تک کوئی گرفتاری عمل میں نہیں آئی تھی۔

بلوچ لیبریشن آرمی نے اس واقعے کی ذمہ داری قبول کرتے ہوئے بڑے پیمانے پر سیکورٹی فورسز کو نقصان پہنچانے کا دعویٰ کیا ہے۔

دوسری جانب پاک فوج کے شعبہ تعلقات عامہ (آئی ایس پی آر) نے اس واقعے پر کوئی بیان جاری نہیں کیا۔