بلوچستان: چمن میں لیویز تھانے میں دھماکا، متعدد اہلکار زخمی

‏چمن (نمائندہ ڈیلی اردو ) صوبہ بلوچستان کے ضلع قلعہ عبد اللہ کے شہر چمن کے علاقے کلی ملک عبدالرحمن کے قریب لیویز تھانہ میں دھماکا ہوا ہے۔

ابتدائی معلومات کے مطابق دھماکا لیویز اسٹیشن میں ہوا۔ جس کے نتیجے میں دو اہلکار زخمی ہو گئے ہیں۔

‏لیویز فورس کے مطابق دھماکہ ریمورٹ کنٹرول ڈیوائس کے ذریعے کیا گیا، تھانے کی عمارت کو شدید نقصان پہنچا ہے۔

#Chaman #Blast, #Levies thana completely destroyed.#Balochistan pic.twitter.com/qFtwhQnCiC

— Asim Ahmed khan (@leokhanasim) December 3, 2019

سکیورٹی ذرائع کا کہنا ہے کہ دھماکے کے وقت اہلکار گشت پر تھے۔

دھماکے کی خبر ملتے ہی پولیس اور سیکورٹی فورسز نے علاقے کو گھیرے میں لے کر سرچ آپریشن شروع کردیا ہے جبکہ بم ڈسپوزل اسکواڈ کو طلب کر لیا گیا ہے۔

دوسری جانب کالعدم تنظیم حزب الاحرار کے ترجمان ڈاکٹر عبدالعزیز یوسف زئی نے لیویز تھانے پر حملے کی ذمہ داری قبول کرلی۔