بلوچستان: کوئٹہ میں ایف سی چیک پوسٹ پر دستی بم حملہ، ایک اہلکار ہلاک، دو شدید زخمی

کوئٹہ (بیورو رپورٹ) صوبہ بلوچستان کے دارالحکومت کوئٹہ میں ایف سی چیک پوسٹ کے قریب دھماکا ہوا جس کے نتیجے میں ایک اہلکار ہلاک اور دو زخمی ہوگئے۔

تفصیلات کے مطابق کوئٹہ کے نواحی علاقے ہزار گنجی میں ایف سی چیک پوسٹ پر نامعلوم دہشت گردوں کی جانب سے کیے گئے دستی بم کے حملے میں ایک اہلکار ہلاک اور دو شدید زخمی ہوگئے۔

پولیس حکام کے مطابق دھماکے سے ایف سی پوسٹ کو نقصان پہنچا ہے، جائے وقوع سے شواہد اکھٹے کیے جا رہے ہیں۔ دھماکے کے نتیجے میں دو اہلکار شدید زخمی ہوئے۔ زخمیوں اہلکاروں کو ہسپتال منتقل کردیا گیا ہے۔

واقعے کے بعد پولیس اور سیکیورٹی فورسز کی بھاری نفری جائے وقوع پر پہنچ گئی جبکہ ملزمان کی گرفتاری اور واقعے کی تحقیقات کا آغاز کردیا گیا۔