بنوں میں بارودی سرنگ کا دھماکہ، تحریک طالبان پاکستان کے 2 دہشت گرد ہلاک

بنوں (نمائندہ ڈیلی اردو) خیبر پختونخوا کے ضلع بنوں کے علاقے جانی خیل میں ممتن خیل مارکیٹ کے قریب بارودی مواد کے دھماکے میں کالعدم تنظیم تحریک طالبان پاکستان کے دو دہشت گرد ہلاک ہوگئے۔

تفصیلات کے مطابق بدھ کو تقربیا سات بجے رات ضلع بنوں کے علاقے جانی خیل کے ممتن خیل مارکیٹ میں بارودی مواد پھٹنے سے 2 دہشت گرد ہلاک ہوگئے، ہلاک ہونے والے دہشت گردوں کی شناخت محمد شاباس اللہ والد صبر خان اور شیرمادول والد اکبر زمان کے طور پر ہوئی۔

پولیس کے مطابق ہلاک ہونے والے دونوں افراد کا تعلق کالعدم دہشت گرد تنظیم تحریک طالبان پاکستان اسحاق گروپ سے تھا، اور دونوں دہشت گرد موٹر سائیکل پر جا رہے تھے کہ راستے میں نصب آئی ای ڈی پھٹ گئی اور دونوں موقع پر ہلاک ہوگئے۔