بھارت کے بارڈر سکیورٹی فورسز نے لاہور امرتسر سرحد پر 3 ڈرون مار گرائے

لاہور (مانیٹرنگ ڈیسک) بھارت کی بارڈر سیکیورٹی فورس (بی ایس ایف) نے گزشتہ دو روز کے دوران لاہور/ امرتسر انٹرنیشنل بارڈر پر مبینہ طور پر تین ڈرون مار گرانے اور ڈھائی کلو گرام سے زائد ہیروئن برآمد کرنے کا دعویٰ کیا ہے۔

بی ایس ایف نے الزام لگایا کہ پاکستانی اور بھارتی اسمگلر منشیات اور اسلحہ کی ترسیل کے لیے اب ڈرون استعمال کر رہے ہیں۔

بی ایس ایف کے ترجمان کے مطابق جمعہ اور ہفتہ کی درمیانی شب لاہور/ امرتسر انٹرنیشنل بارڈر پر تین مختلف مقامات پر تین چھوٹے ڈرون مار گرائے گئے ہیں، گرائے جانے والے دو ڈرونز کے ساتھ ہیروئن بھی برآمد کی گئی ہے۔

#AlertBSF troops have brought down another drone from #Pakistan, that met with swift response from tps in #Amritsar Sector. Bag with suspected narcotics hooked with #drone has also been recovered.
Worth mentioning this is 2nd drone shot down in a night in #amritsar#BreakingNews pic.twitter.com/647RITvq6J

— BSF PUNJAB FRONTIER (@BSF_Punjab) May 19, 2023

بھارتی حکام نے یہ بھی الزام لگایا کہ تیسرا ڈرون پاکستانی حدود میں جاگرا تھا جس کی وجہ سے اس کا ملبہ نہیں مل سکا ہے۔

Border Security Force (BSF) personnel brought down a drone and recovered two packets of suspected drugs in Amritsar district of Punjab. The gross weight of the consignment was 2.6 kg. pic.twitter.com/HCasCyvPQT

— NDTV (@ndtv) May 20, 2023

دوسری طرف پاکستانی حکام کی طرف سے اس حوالے سے کوئی بیان سامنے نہیں آیا ہے۔ بھارتی حکام کافی عرصہ سے چھوٹے ڈرون طیاروں کی مدد سے منشیات اور اسلحہ سمگل کیے جانے کے دعوے کر رہے ہیں۔

واضع رہے کہ دونوں ممالک کی سرحدی فورسز اسمگلنگ کی روک تھام اور اسمگلروں سرکوبی کے لیے سرچ آپریشن بھی کرتی ہیں اور ماضی میں کئی اسمگلر مارے بھی گئے ہیں۔