حکومت نے ‏بہاولپور میں جیش محمد کے ہیڈکوارٹر کا کنٹرول سنبھال لیا

اسلام آباد (ڈیلی اردو) پنجاب حکومت نے بہاولپور میں جیش محمد کے مدرستہ الصابر اور جامع مسجد سبحان اللہ کا کنٹرول سنبھال لیا ہے۔

ترجمان وزرات داخلہ کے مطابق پنجاب حکومت کی جانب سے کالعدم جیشں محمد کے زیر اہتمام چلنے والی جامع مسجد سبحان اللہ اور مدرستہ الصابر کے انتظامی معاملات سنبھال لیے گئے ہیں۔

The Spokesman said that the action was taken in line with the decision of the National Security Committee meeting held yesterday under the Chairmanship of Prime Minister Imran Khan.

— Government of Pakistan (@GovtofPakistan) February 22, 2019

وزرات داخلہ کے مطابق مدرسے اور مسجد کا کنٹرول سنبھالنے کا فیصلہ گزشتہ روز قومی سلامتی کمیٹی کے اجلاس کے دوران لیا گیا۔ یہ مدرسہ جیش محمد کا ہیڈکوارٹر تھا۔

The Government of Punjab has taken over the control of a campus comprising Madressatul Sabir and Jama-e-Masjid Subhanallah in Bahawalpur: Spokesman of the Ministry of Interior

— Government of Pakistan (@GovtofPakistan) February 22, 2019

ترجمان کے مطابق جامع مسجد اور مدرسے میں 600 طالبعلم زیر تعلیم ہیں جنہیں پڑھانے کے لیے 70 اساتذہ موجود ہیں۔

حکومت کی جانب سے منتظم تعینات کرنے کے بعد کمیپس کو پنجاب پولیس کی جانب سے سیکیورٹی مہیا کی جارہی ہے۔

وزیراعظم عمران خان نے قومی سلامتی کمیٹی کے اجلاس کے دوران وزارت داخلہ اور سیکیورٹی اداروں کو انتہا پسندی کے خاتمے کے لیے فوری اقدامات کرنے کی ہدایت کی تھی۔

واضح رہے کہ گزشتہ روز وفاقی حکومت نے قومی سلامتی کمیٹی کے فیصلے کے نیتجے میں جماعت الدعوۃ اور فلاح انسانیت فاؤنڈیشن کو کالعدم قرار دے دیا تھا۔

اقوام متحدہ کی جانب سے جیش محمد کو ‘دہشت گرد’ تنظیموں کی فہرست میں شامل کرنے کے بعد بھارت کئی مرتبہ مسعود اظہر کو بھی عالمی دہشت گرد کی فہرست میں شامل کرنے کی درخواست کر چکا ہے۔