تائیوان نے چین کے خدشات کے پیشِ نظر 40 ارب ڈالر کا دفاعی بجٹ منظور کر لیا

تائیوان کے صدر لائے چنگ تے نے بدھ کو کہا کہ وہ 40 ارب ڈالر کا خصوصی دفاعی بجٹ پیش کریں گے، جس میں ’’تائیوان ڈوم‘‘ کے نام سے ایک جدید فضائی دفاعی نظام کی تیاری بھی شامل ہے، جو اعلیٰ سطح کی نگرانی اور روک تھام کی صلاحیت کا حامل ہو گا۔ یہ اقدام اس امریکی دباؤ کے تناظر میں کیا جا رہا ہے، جس کے تحت ٹرمپ انتظامیہ اس جزیرے کو  اپنے دفاعی اخراجات میں اضافہ  کرنے پر زور دے رہی ہے۔ 

یہ خصوصی بجٹ 2026 سے 2033 تک آٹھ سال کی مدت میں استعمال کیا جائے گا۔ اس سے پہلے صدر لائے یہ وعدہ کر چکے ہیں کہ دفاعی اخراجات کو تائیوان کی مجموعی قومی پیداوار کے 5 فیصد تک بڑھایا جائے گا۔

تائیوان نے 2026 کے لیے اپنے دفاعی بجٹ کو 3.3 فیصد تک بڑھانے کی منظوری دی ہے، جس کے لیے 949.5 ارب نیو تائیوان ڈالر (31.18 ارب امریکی ڈالر) مختص کیے گئے ہیں۔

تائیوان کے وزیر دفاع ویلنگٹن کو نے کہا کہ 40 ارب ڈالر اسخصوصی بجٹ کی بالائی حد ہے، اور یہ رقم درست نشانے کی صلاحیت رکھنے والے میزائلوں کی خریداری پر خرچ ہو گی، جبکہ اس میں امریکا اور تائیوان کے درمیان مشترکہ تیاری اور ضروری آلات و نظام کی خریداری شامل ہو گی۔

واشنگٹن نے تائیوان کے اس اقدام کا خیر مقدم کیا ہے۔