جدید دور میں بھی پتھر کے زمانے میں: نواب شاہ میں میت کئی فٹ پانی سے گزر کر قبرستان پہنچائی گئی

نواب شاہ (ڈیلی اردو) سندھ حکومت کی جانب سے صوبے میں ترقی کے دعوے جھوٹے نکلے، نواب شاہ میں جنازے کو آخری آرام گاہ تک پہنچانے کے لئے نہر سے گزارا جانے لگا ہے۔

تفصیلات کے مطابق پیپلز پارٹی کے سندھ صوبے کو پیرس بنانے کے دعوے دھرے کے دھرے رہ گئے، پاکستان پیپلز پارٹی کے شریک چیئرمین اور سابق صدر آصف علی زرداری کے آبائی گاؤں سے چند کلو میٹر دور نواب شاہ کے علاقے دولتپور میں میت کو دفنانے کے لیے قبرستان کو پل نہ ہونے کی وجہ سے نہر سے گزار کر لے جایا گیا۔

پاکستان پیپلز پارٹی کے شریک چیئرمین اور سابق صدر آصف علی زرداری کے آبائی گاؤں سے چند کلو میٹر دور نواب شاہ کے علاقے دولتپور میں میت کو دفنانے کیلئے قبرستان کو پل نہ ہونے کی وجہ سے نہر سے گزار کر لے جا رہے ہیں#AsifAliZadari #BilawalBhutto pic.twitter.com/Z6r6hQvmbZ

— Daily Urdu (@DailyUrduNet) April 27, 2019

میت کو دفنانے کے لیے نہر سے لے جانے والی ویڈیو کے سوشل میڈیا پر چرچے، ویڈیو سوشل میڈیا پر خوب وائرل ہوئی۔ دولتپور کےعلاقہ مکینوں کا کہنا ہے کہ قبرستان کو پل نہ ہونے کی وجہ سے یہ معمول بن چکا ہے، علاقہ مکینوں کی جانب سے سندھ حکومت سے پل بنا کر دینے کی اپیل بھی کی گئی۔