جرمنی میں دو الگ چاقو حملوں میں دو افراد ہلاک، دو زخمی

برلن (نمائندہ ڈیلی اردو  )  جرمنی کے دو مختلف شہروں میں چاقو حملوں کے واقعات میں کم از کم دو افراد ہلاک اور دو زخمی ہو گئے۔ پہلا واقعہ مشرقی شہر ہالے میں پیش آیا، جہاں ہفتے کی رات ایک اپارٹمنٹ بلاک کے باہر 47 سالہ خاتون پر حملہ کیا گیا۔ پولیس کے مطابق ایک 37 سالہ خاتون کو مشتبہ حملہ آور کے طور پر حراست میں لیا گیا ہے، جو واقعے کے وقت نشے میں تھی۔ حملے سے قبل مشتبہ خاتون نے متاثرہ کو زبانی دھمکیاں دی تھیں۔ زخمی خاتون کو ہسپتال منتقل کیا گیا مگر وہ جانبر نہ ہو سکیں۔

دوسرا واقعہ مغربی شہر گیلڈن میں ہفتے کی شام پیش آیا، جہاں ایک پب میں جھگڑے کے بعد چاقو حملے میں ایک شخص ہلاک اور دو شدید زخمی ہوئے۔ پولیس نے 41 سالہ مشتبہ شخص کو گرفتار کر لیا ہے۔ حکام کے مطابق واقعے کے محرکات کی تفتیش جاری ہے اور عینی شاہدین سے بیانات لیے جا رہے ہیں۔