خیبر میں دہشت گردوں کی فائرنگ پولیس اہلکار ہلاک

خیبر (نمائندہ ڈیلی اردو) پاکستان کے شورش زدہ صوبہ خیبر پختونخوا کے قبائلی ضلع خیبر میں دہشت گردوں کی فائرنگ سے ایک پولیس اہلکار ہلاک ہوگیا ہے۔

ڈیلی اردو کے مطابق ضلع خیبر کی تحصیل باڑہ کے نواحی علاقے اکاخیل کلنگہ بائی پاس میں نامعلوم مسلح دہشت گردوں کی فائرنگ سے ایک پولیس اہلکار ہلاک ہوگیا۔

پولیس کے مطابق ہلاک اہلکار کی شناخت اکاخیل شاہ ولد فضل کریم کے نام سے ہوئی ہے، جن کا تعلق قوم اکاخیل سے بتایا جا رہا ہے۔

پولیس کی ابتدائی معلومات کے مطابق مسلح افراد نے پولیس اہلکار اکاخیل شاہ  کو مبینہ طور پر ٹاگٹ کلنگ کا  نشانہ بنایا، جس کے نتیجے میں وہ موقع پر ہی دم توڑ گئے۔

واقعے کے بعد پولیس نے جائے وقوعہ کو گھیرے میں لے کر تحقیقات شروع کر دی ہیں۔