خیبر: وادی تیراہ میں سیکورٹی فورسز کے آپریشن میں 3 شدت پسند ہلاک، 2 افغان شامل، 4 زخمی

واشنگٹن (ش ح ط) پاکستان کے شورش زدہ صوبے خیبر پختونخوا کے ‏قبائلی ضلع خیبر کی دور افتادہ وادی تیراہ میں سیکیورٹی فورسز نے انٹیلی جنس پر مبنی کارروائی کرتے ہوئے متعدد شدت پسندوں کو ہلاک اور زخمی کر دیا۔

ڈیلی اردو کے مطابق انٹیلیجنس بیس آپریشن میں میرخیلی میں کلعدم تنظیم تحریک طالبان پاکستان (ٹی ٹی پی) کے کمانڈر ابوذر کی تشکیل کو نشانہ بنایا گیا، جس کے دوران تین شدت پسند ہلاک اور چار زخمی ہوئے۔

سرکاری ذرائع کے مطابق ہلاک شدگان میں سے دو افراد احسان اور صہیب تھے، جو افغانستان کے باشندے تھے اور ٹی ٹی پی کے خیبر کمانڈر ابوذر کے ساتھ منسلک تھے۔ دیگر دہشت گردوں کی شناخت کا عمل جاری ہے۔

سیکیورٹی ذرائع نے بتایا کہ ہلاک شدگان حال ہی میں "خیبر مجاہدین" کے نام سے سوشل میڈیا پر قبری کٹائی کی ویڈیوز بنا رہے تھے اور متعدد حملوں کی منصوبہ بندی میں ملوث تھے۔

ہلاک شدگان کی نماز جنازہ افغانستان کے صوبہ ننگرہار میں مختلف انکرپٹڈ چینلز کے ذریعے اعلان کی گئی ہے۔