خیبر پختونخوا: باجوڑ میں بم دھماکا، سیکیورٹی اہلکار شدید زخمی

خار (ڈیلی اردو) خیبر پختونخوا کے قبائلی ضلع باجوڑ میں بم دھماکے کے نتیجے میں سیکیورٹی فورسز کا ایک سپاہی زخمی ہوگیا۔

سیکیورٹی ذرائع کے مطابق باجوڑ سکاؤٹس کے بم ڈسپوزل سکواڈ کے اہلکار تحصیل سلارزئی کے علاقے غاخی میں ڈیوٹی پر تھے کہ اس دوران ان پر پہلے سے نصب شدہ بم پھٹ گیا۔

بم دھماکے کے نتیجے میں سپاہی عرفان بنگش زخمی ہو گیا، زخمی سپاہی کو ہیڈکواٹر ہسپتال خار منتقل کردیا گیا اور انتظامیہ نے سرچ آپریشن شروع کردی۔

یاد رہے کہ دو روز قبل دہشت گرد تنظیم تحریک طالبان پاکستان نے باجوڑ کے علاقے لوئی ماموند میں سیکیورٹی فورسز کے حوالدار محمد خان کو مائن کے ذریعے نشانہ بنایا تھا جس کے نتیجے میں اہلکار محمد خان شدید زخمی ہوا تھا۔ سیکیورٹی ذرائع کے مطابق زخمی اہلکار اس وقت باجوڑ کے ہیڈکوارٹر ہسپتال میں زیر علاج ہے