راولپنڈی: سابق ڈی جی آئی ایس آئی حمید گل کے بیٹے عبداللہ گل کے خلاف دہشتگردی کا مقدمہ درج

راولپنڈی (ڈیلی اردو) سابق ڈی جی آئی ایس آئی لیفٹنٹ جنرل حمید گل کے بیٹے کے خلاف دہشت گردی کا مقدمہ درج کر لیا گیا۔

دفاع پاکستان کونسل اور ملی یکجہتی کونسل پاکستان کے رہنما عبداللہ گل کے خلاف مقدمہ ائیرپورٹ تھانے میں درج کیا گیا ہے۔

‏تفصیلات کے مطابق راولپنڈی پولیس نے سابق ڈی جی آئی ایس آئی لیفٹنٹ جنرل حمید گل کے بیٹے عبداللہ گل کے خلاف شدت پسند تنظیم تحریک لبیک پاکستان کے گرفتار سربراہ سعد رضوی سے اظہار یکجہتی و سیکیورٹی فورسز کو دھمکیاں دینے کے جرم میں دہشتگردی کی دفعات تحت مقدمہ درج کر لیا۔

Wow.

Pakistani police has filed terrorism charges against Abdullah Gul, son of former (late) Pakistani intelligence (ISI) chief General Hameed Gul, over Mr Abdullah's alleged support for Far-Right Islamist group TLP's detained leader and threatening Pakistani security forces. https://t.co/HwBGdrl29q

— FJ (@Natsecjeff) April 15, 2021

عبداللہ گل کے خلاف درج کی جانے والی ایف آئی آر میں لکھا گیا ہے کہ عبداللہ گل سعد رضوی کو ریاست اور ریاستی اداروں کے خلاف اکسانے اور پھر اس ضمن میں تمام ترحمایت کا یقین دلانے میں شامل نظر ائے۔

ایف آئی آر کے مطابق عبداللہ حمید گل نے سوشل میڈیا پر وائرل ہونے والی ویڈیو میں کہا کہ میں اپنی تحریک نوجوانان پاکستان موومنٹ کال دوں گا کہ سعد رضوی میرا بھائی ہے اور میں اس کی گرفتاری کی مذمت کرتا ہوں۔

پولیس کا کہنا ہے کہ ان کے پاس کافی ثبوت ہیں کہ عبداللہ گل سعد رضوی کو ملک بھر میں پرتشدد احتجاجی مظاہروں کے لیے اکسانے میں پیش پیش تھے۔
پولیس نے مذکورہ ویڈیو کو بھی بطور ثبوت ضبط کر لیا ہے اور ایف آئی آر میں کہا ہے کہ عبداللہ نے جوانان پاکستان موومنٹ کے ذریعے ریاست کو دھمکی دے کر نفرت کو ابھار کر انارکی اور تشدد کی فضا پیدا کی اور عوام الناس میں خوف و ہراس پیدا کرکے ریاست کی رٹ کو چیلنج کیا۔

ایف آئی آر کے متن کے مطابق عبداللہ حمید گل نے مزید کہا کہ اگر سعد رضوی کو رہا نہ کیا گیا تو میں اپنی تحریک اس میں شامل کر دوں گا اور آپ دیکھیں گے کہ دما دم مست قلندر ہو گا۔