روسی صدر پیوٹن نے نیو کلیئر فورس کو ہائی الرٹ کردیا

ماسکو (ڈیلی اردو) روس کے صدر ولادیمیر پیوٹن نے نیوکلئیر فورس کو ہائی الرٹ کردیا۔

روسی صدر ولادیمیرپیوٹن کا کہنا ہے کہ نیوکلیئر فورس کو الرٹ کرنے کی وجہ نیٹو کے روس کے خلاف جارحانہ بیانات ہیں۔

Russian President Vladimir Putin ordered his military command to put nuclear-armed forces on high alert as Ukrainian fighters defending the city of Kharkiv said they had repelled an attack by invading Russian troops https://t.co/97pm8YtEvs pic.twitter.com/6yTMtFcE8W

— Reuters (@Reuters) February 27, 2022

دوسری طرف اقوم متحدہ میں امریکی سفیر کا روسی صدر کے بیان پر رد عمل دیتے ہوئے کہنا ہے کہ روس کا ایٹمی فورس کو الرٹ کرنے کا فیصلہ ناقابل قبول ہے۔

اس سے قبل یوکرینی وزارت دفاع نے 4300 روسی فوجی مارنے کا دعویٰ کرتے ہوئے کہا تھا کہ یوکرین کے خلاف جنگ میں روسی فوج کو نقصانات پہنچائے ہیں۔

یوکرینی وزارت دفاع کا کہنا تھا کہ اب تک تقریباً 4300 روسی اہلکار ہلاک کیے جاچکے ہیں۔

وزارت دفاع کا کہنا تھا کہ یوکرینی فوج نے روس کے 27 جنگی طیارے، 26 ہیلی کاپٹر تباہ کردیے۔

یوکرینی وزارت دفاع نے دعویٰ کیا کہ روس کے 146 ٹینک، 49 توپیں، 706 فوجی ٹرک تباہ کردیے، روس کا 1 میزائل لانچر، 4 گراڈ راکٹ لانچر بھی تباہ کیے۔

وزارت دفاع کے مطابق روس کی 30 گاڑیاں، 60 تیل ٹینکر، 2 ڈرون، 2 کشتیاں تباہ کیں۔