سری نگر: کولگام میں مشترکہ کارروائی، دہشتگردوں کے 5 سہولت کار گرفتار

سری نگر(ڈیلی اردو) بھارت کے زیر انتظام کشمیر کے جنوبی علاقے کولگام میں سیکیورٹی فورسز نے مشترکہ محاصرے اور تلاشی کی کارروائی کے دوران 5 مبینہ دہشتگرد معاونین کو اسلحہ اور گولہ بارود سمیت گرفتار کرلیا۔

حکام کے مطابق سی آر پی ایف اور دیگر سیکیورٹی اداروں نے کولگام کے علاقے بگام آرچرڈ میں کارروائی کی۔ تلاشی کے دوران پانچ افراد کو حراست میں لیا گیا، جن کی شناخت فرقان احمد وانی، صہیب احمد پالا، سلمان عباس لون، نداش احمد ریشی اور فیصل اکبر ڈار کے نام سے ہوئی ہے۔

حکام کے مطابق گرفتار افراد کے قبضے سے 9 ایم ایم کی 4 پستولیں، 4 میگزین، 9 ایم ایم کے 22 راؤنڈ اور 2 ہینڈ گرینیڈ برآمد کیے گئے۔

حکام نے واقعے کی مزید تحقیقات شروع کردی ہیں۔