سری نگر میں دستی بم حملہ، ایک پولیس اہلکار سمیت 10 شہری زخمی

سری نگر (ڈیلی اردو) بھارتی پولیس نے کہا ہے کہ مشتبہ مسلم عسکریت پسندوں نے منگل کے روز بھارتی کنٹرول کے کشمیر میں پولیس پر ایک دستی بم پھینکا جس سے ایک پولیس اہلکار سمیت دس عام شہری زخمی ہوگئے۔ حملے سے علاقہ لرز اُٹھا، آس پاس کی عمارتوں اور گاڑیوں کے شیشے ٹوٹ گئے۔

Srinagar Grenade attack: 9 Civilian got Injured at Hari Singh High street attack, All Stabile
????photo's #FaizanMir pic.twitter.com/8uwT0otJJM

— Faizan Mir (فیضان میر) (@Faizanmirtweets) August 10, 2021

سرینگر پولیس کے مطابق سری نگر کے ہری سنگھ ہائی اسٹریٹ میں سی آر پی ایف اور پولیس اہلکاروں پر نامعلوم سمت سے دستی بم پھینکا گیا جو فورسز اہلکاروں کے نزدیک زوردار دھما کے کے ساتھ پھٹ گیا۔ حملے میں ایک پولیس اہلکار اور دس عام شہری زخمی ہو گئے جن کو علاج و معالجے کیلئے نزدیکی ہسپتال منتقل کر دیا گیا۔ اس حملے کے ساتھ ہی فورسز کی اضافی نفری علاقے میں پہنچ گئی جنہوں نے وہاں تلاشی آپریشن شروع کر دیا۔