شام: ادلب میں سکول اور سبزی منڈی پر بمباری میں بچوں سمیت 20 شہری شہید، متعدد زخمی

دمشق (ڈیلی اردو/ویب ڈیسک) شام میں اتحادی افواج نے اسکول اور سبزی منڈی پر فضائی حملے کیے جس کے نتیجے میں 20 افراد شہید اور متعدد زخمی ہوگئے۔

ریسکیو اداروں نے امدادی کاموں کا آغاز کرتے ہوئے شہدا اور زخمی ہونے والوں کو قریبی ہسپتالوں میں منتقل کیا جہاں 4 زخمیوں کی حالت نازک بتائی جا رہی ہے جس کے باعث شہادتوں میں اضافے کا بھی خدشہ ظاہر کیا جارہا ہے۔

https://twitter.com/SyriaCivilDef/status/1201521886599008256?s=08

بین الاقوامی خبر رساں ادارے کے مطابق شام کے شہر ادلب کے علاقے میں فضائی حملے کیے گئے جس کی زد میں سبزی منڈی اور سکول بھی آگئے، حملے میں 20 افراد شہید ہوگئے جب کہ درجنوں زخمی ہیں۔ قبل ازیں حکومتی فورسز اور جنگجووں کے درمیان جھڑپ میں 50 سے زائد ہلاکتیں ہوئی تھیں۔

شام میں انسانی حقوق کے مبصر کا کہنا تھا کہ فضائی حملے دو مارکیٹوں اور سکول کے نزدیک کیے گئے، مارکیٹوں پر حملے میں 11 جب کہ سکول پر حملے میں بچوں سمیت 9 افراد شہید ہوئے۔

https://twitter.com/SyriaCivilDef/status/1201469570197966848?s=08

ریسکیو اداروں نے امدادی کاموں کا آغاز کرتے ہوئے شہید اور زخمی ہونے والوں کو قریبی ہسپتال منتقل کیا جہاں 4 زخمیوں کی حالت نازک بتائی جا رہی ہے جس کے باعث شہادتوں میں اضافے کا بھی خدشہ ظاہر کیا جارہا ہے۔

شام کے اکثر علاقوں سے داعشی جنگجوﺅں کا قبضہ واگزار کروا لیا گیا ہے لیکن ادلب کے قبضے کے لیے کچھ علاقوں میں اب بھی گھمسان کی جنگ جاری ہے تاہم اس میں زیادہ تر معصوم شہریوں کا جانی و مالی نقصان ہو رہا ہے۔