شمالی وزیرستان: ٹارگٹ کلنگ کے دو واقعات میں پی ایچ اے ڈائریکٹر سمیت 4 افراد ہلاک

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں عید الفطر کے دن چار افراد کو ٹارگٹ کرکے قتل کردیا گیا۔

مقامی ذرائع کے مطابق ٹارگٹ کلنگ کے دونوں واقعات شمالی وزیرستان کی تحصیل میرعلی میں پیش آئے۔

Sad news on the day of #Eid Director PHA Foundation #Islamabad Zubaid Khan along with Malik Naimatullah murdered in target killing incident in #Mirali North #Waziristan. Violence/target killing not ending in Waziristan pic.twitter.com/zbzTBGXNFk

— Saleem Mehsud (@SaleemMehsud) May 24, 2020

پولیس کے مطابق فائرنگ کا پہلا واقعہ شمالی وزیرستان کے علاقے میر علی میں پیش آیا جہاں نامعلوم موٹر سائیکل سوار راہگیروں کو نشانہ بناکر فرار ہوگئے۔

پولیس کا کہنا ہے کہ ہلاک ہونے والوں کی شناخت زبید اللہ خان والد شیرین گل، فرمان اللہ والد ہدایت اللہ اور ملک نعمت اللہ کے نام سے ہوئی ہے۔

پولیس کے مطابق زبید اللہ خان پاکستان ہاوسنگ فاؤنڈیشن (پی ایچ اے) کے ڈائریکٹر اور اسلام آباد میں مختلف عہدوں پر فائز رہے ہیں۔

Director of @pha_foundation Zubaid Khan shot dead along with his friend Naimatullah Malik in Mirali area of North Waziristan. #Pakistan

h/t @PhilanthropistI pic.twitter.com/caWfvOYb7y

— FJ (@Natsecjeff) May 24, 2020

پولیس نے بتایا کہ زبید اللہ اسلام آباد سے عید منانے گاؤں آئے تھے جہاں رشتہ داروں کے گھر سے پیدل واپسی پر انہیں نشانہ بنایا گیا۔

نامعلوم افراد فرار ہونے میں کامیاب ہوگئے۔ ایک عینی شاہد نے ڈیلی اردو کو بتایا کہ مسلح ملزمان نے چہرے کو نقاب سے چھپا رکھے تھے۔

دوسرا واقعہ میرعلی کے قریبی گاؤں مبارک شاہی میں پیش آیا جہاں مسلح نقاب پوشوں نے خضرت اللہ ولد محمد عالم تپی کو قتل کر دیا اور فرار ہوگئے۔

پولیس نے دونوں واقعات کی رپورٹ درج کرتے ہوئے ملزمان کی تلاش شروع کر دی ہے۔