غزہ: اسرائیلی فضائی حملے میں تین صحافی ہلاک

غزہ (ڈیلی اردو) غزہ پٹی کے وسطی حصے میں ہونے والے ایک اسرائیلی حملے میں تین صحافی مارے گئے ہیں۔ یہ بات غزہ کی سول ڈیفنس ایجنسی نے آج بدھ 21 جنوری کو بتائی ہے۔

فرانسیسی خبر رساں ادارے اے ایف پی کے مطابق مرنے والوں میں ایک فری لانس صحافی بھی شامل ہے، جو پہلے اے ایف پی کے لیے کام کر چکے تھے۔ یہ واقعہ اسرائیل اور حماس کے درمیان جنگ بندی کے باوجود پیش آیا۔

یخ بستہ راتیں، بھیگے خیمے اور غزہ کے باسی غزہ کی سول ڈیفنس نے ایک بیان میں کہا، ’’غزہ شہر کے جنوب مغرب میں واقع الزہراء کے علاقے میں اسرائیلی فضائی حملے میں مرنے والے تین صحافیوں کی میتوں کو دیر البلح کے الاقصیٰ شہداء ہسپتال منتقل کر دیا گیا ہے۔‘‘

بیان میں مارے جانے والوں کے نام محمد صلاح قشتہ، عبد الرؤف شعت اور انس غنیم بتائے گئے ہیں۔ شعت اس سے قبل اے ایف پی کے لیے بطور فوٹو اور ویڈیو جرنلسٹ کام کر چکے تھے۔ اسرائیلی فوج کا کہنا ہے کہ وہ ان رپورٹس کی تصدیق کر رہے ہیں۔