فلسطینیوں کی سزا دوگنا کرنے کا اسرائیلی مسودہ قانون تیار

غزہ (ڈیلی اردو/آئی این پی) اسرائیلی گولیوں اور بارود کا پتھروں سے مقابلہ کرنے والے فلسطینیوں کی سزا دوگنا کرنے کی اسرائیلی تیاری شروع کر دی گئی۔

اسرائیلی وزارتی کمیٹی (کل) اتوار کو اس بارے میں ترمیمی مسودہ قانون کا جائزہ لے گی۔

ایک اسرائیلی اخبار نے خبر دی ہے کہ لیکوڈ پارٹی نے اس تجویزپر مبنی مسودہ تیار کیا ہے کہ اسرائیلی قابض فورسز اور فلسطینیوں کی جگہوں پر ناجائز طور پر آباد کیے گئے یہودیوں کے خلاف پتھر پھینکنے والے فلسطینیوں کی سزائے قید جو اس وقت زیادہ سے دو سال ہے اسے بڑھا کر چار سال قید کر دیا جائے۔ اس بارے میں ایک مسودہ قانون تیار کر لیا گیا ہے جسے اتوار کے رواز اسرائیلی کابینہ کی کمیٹی کے سامنے رکھا جائے گا۔

تاہم اخبار کا کہنا ہے کہ اسرائیلی پارلیمنٹ میں عملا اکثریت کھو چکی اسرائیلی مخلوط حکومت کے لیے اس قانون کو منظور کرانا ایک اور چیلنج بن سکتا ہے کہ مخلوط اسرائیلی حکومت کے اتحادی بھی اسے چھوڑ کر جارہے ہیں۔