فیصل آباد: سات سالہ مغوی بچہ زیادتی کے بعد قتل، لاش نہر سے برآمد

فیصل آباد (ڈیلی اردو) صوبہ پنجاب کے ضلع فیصل آباد میں 7 سالہ بچے سمیع اللہ کو اغواء اور زیادتی کے بعد قتل کر دیا گیا۔

مغوی بچے کی لاش اس کے اغواء کے 2 روز بعد نہر رکھ پرانچ سے مل گئی، لاش برآمد کر کے پولیس نے تحقیقات شروع کر دی ہیں۔

پولیس ذرائع کے مطابق 7 سالہ سمیع اللہ کو 5 جون کی شام فیصل آباد کی علامہ اقبال کالونی سے اغواء کیا گیا تھا۔

پولیس نے تھانہ ڈی ٹائپ کالونی میں بچے سمیع اللّٰہ کے اغواء کا مقدمہ درج کرلیا تھا۔

آج سمیع اللّٰہ کی لاش ڈجکوٹ کے علاقے میں نہر رکھ برانچ سے مل گئی۔

پولیس نے بچے کی لاش پوسٹ مارٹم کے لیے رورل ہیلتھ سینٹر ڈجکوٹ منتقل کر کے ورثاء کو اطلاع کر دی ہے۔

ورثاء نے اغواء کر کے بچے سے زیادتی کیے جانے کا شبہ ظاہر کیا ہے اور ملزمان کی فوری گرفتاری کا مطالبہ کیا ہے۔