قومی مفادات اور عوامی املاک کے تحفظ کیلئے طاقت استعمال کریں گے، ایرانی فوج

تہران (ڈیلی اردو) ایرانی فوج نے آج ایک بیان جاری کیا ہے جس میں ملک کے قومی مفادات، سٹریٹجک انفراسٹرکچر اور عوامی املاک کے تحفظ کا عہد کیا گیا۔

بیان میں فوج نے اسرائیل پر الزام لگایا کہ وہ ’شہروں میں امن و امان کو خراب کرنے اور عوامی سلامتی کو متاثر کرنے کی ایک اور سازش‘ کی حمایت کر رہا ہے۔ بیان میں کہا گیا:“دشمن، جس کے ہاتھ 12 روزہ جنگ میں اس قوم کے بچوں کے خون سے رنگے ہیں، ایرانی عوام کی حمایت کے جھوٹے دعوے کے تحت ایک اور فتنے کو ہوا دینے کے درپے ہیں۔”

اس سے قبل دیگر ایرانی حکام نے بھی عوامی املاک کی تباہی کے خلاف خبردار کیا تھا، جن میں اسلامی جمہوریہ کے رہبر آیت اللہ خامنہ ای بھی شامل ہیں، جنھوں نے کہا تھا کہ حکومت ’توڑ پھوڑ اور فساد کرنے والوں کے سامنے سے پیچھے نہیں ہٹے گی۔‘