لاہور میں 13 سالہ بچی کے ساتھ ‘اجتماعی زیادتی’، 3 ملزمان گرفتار

لاہور (ڈیلی اردو) پنجاب کے صوبائی حکومت لاہور میں 13 سالہ بچی کو مبینہ طور پر اجتماعی زیادتی کا نشانہ بنانے والے 3 ملزمان کو پولیس نے گرفتار کر لیا ہے۔

تفصیلات کے مطابق لاہور کے علاقے اچھرہ میں انویسٹی گیشن پولیس کے جینڈر بیسڈ کرائم سیل نے کارروائی کرتے ہوئے تیسری جماعت کی 13 سالہ معصوم بچی کو اجتماعی زیادتی کا نشانہ بنانے والے 3 ملزمان کو گرفتار کرلیا۔

گرفتار ملزمان میں شہزاد، عمر اور ارسلان شامل ہیں جو متاثرہ بچی کے ہمسائے اور رشتہ دار بھی ہیں۔ ملزمان زیادتی کے بعد کسی کو بتانے کی صورت میں بچی کو سنگین نتائج کی دھمکیاں دیتے رہے۔

پولیس کے مطابق متاثرہ بچی کے والد کی مدعیت میں تھانہ اچھرہ میں ملزمان کے خلاف بچی سے زیادتی کا مقدمہ درج کیا گیا تھا۔