لکی مروت میں شہباز خیل چوکی پر دہشت گردوں کا حملہ، ایلیٹ فورس کا اہلکار اور ایک حملہ آور ہلاک

لکی مروت (نمائندہ ڈیلی اردو) صوبہ خیبر پختونخواہ کے ضلع لکی مروت میں دہشت گردوں نے رات گئے شہباز خیل چوکی پر حملہ کردیا۔

پولیس ذرائع کا کہنا ہے کہ پولیس اور حملہ آوروں کے درمیان شدید فائرنگ کے تبادلہ میں ایلیٹ فورس کا اہلکار تحسین اللہ ہلاک جبکہ ایک حملہ آور بھی مارا گیا۔

https://twitter.com/ShabbirTuri/status/1609476957183303680?t=YHvcinWQX1f7BsCMag32GQ&s=19

ڈی پی او لکی مروت کے مطابق دہشت گردوں نے آر پی جی سیون، راکٹ لانچر اور دستی بموں سمیت جدید ہتھیاروں کا بھی استعمال کیا۔

پولیس کے مطابق ہلاک دہشت گرد کی شناخت اویس کے نام سے ہوئی، جو سی ٹی ڈی بنوں اور لکی مروت پولیس کو دہشت گردی کے مقدمات مِیں مطلوب تھا۔

لکی مروت :شہید پولیس اہلکار تحسین الله کی نماز جنازہ پولیس لائن میں سرکاری اعزاز کیساتھ ادا کردی گئی۔پولیس کے چاق وچوبند دستے نے شہیدکو سلامی پیش کی.نماز جنازہ میں ڈی پی او ضیاءالدین احمد، اعلیٰ فوجی و سول حکام، پولیس افسران اور اہلکاروں اور مقامی افراد نے کثیر تعداد میں شرکت کی۔ pic.twitter.com/4khTOtuYlX

— KP Police (@KP_Police1) January 1, 2023

آج پولیس اہلکار تحسین اللہ کی نماز جنازہ پولیس میں سرکاری اعزاز کے ساتھ ادا کی گئی، نماز جنازہ میں پولیس، پاک فوج اور سول افسران بھی شریک تھے۔