مالی: اقوام متحدہ کی امن فوج پر بم حملے میں 3 اہلکار ہلاک، 4 زخمی

نیو یارک (ڈیلی اردو) افریقی ملک مالی میں دھماکے سے اقوام متحدہ امن مشن کے 3 فوجی اہلکار ہلاک اور چار شدید زخمی ہوگئے۔

ایم آئی این یو ایس ایم اے نے بیان جاری کر کے بتایا کہ اس حملے میں چار دیگر امن فوجی زخمی ہوئے ہیں جو زیر ِ علاج ہیں۔

ایم آئی این یو ایس ایم اے کے سربراہ محمد صالح اناڈیف نے اس حملے کی سخت مذمت کی اور اسے بزدلانہ حرکت قرار دیا۔ مسٹر انادیف نے کہا ” ہم اس حملے کو انجام دینے والے دہشت گردوں کی شناخت کرنے کی پوری کوشش کریں گے اور انہیں اس حرکت کے لئے سزا دیں گے“۔

ابھی تک اس حملے کی ذمہ داری کسی گروپ نے قبول نہیں کی ہے۔

مالی میں سیاسی عمل کی حمایت کرنے کے لئے 2013 میں ایم آئی این یو ایس ایم اے کو تعینات کیا گیا تھا۔