مہمند میں سکیورٹی آپریشن، 8 سے زائد دہشتگرد ہلاک؛ ٹانک میں کواڈ کاپٹر سے حملہ

غلنئی/بنوں (نمائندگان ڈیلی اردو) پاکستان کے شورش زدہ صوبے خیبر پختونخوا کے قبائلی ضلع مہمند میں سکیورٹی فورسز نے ایک انٹیلی جنس بیسڈ کارروائی میں دہشتگردوں کے ٹھکانے کو نشانہ بنایا، جس کے نتیجے میں کمانڈر سمیت 8 سے زائد شدت پسند ہلاک جبکہ 4 سے زائد زخمی ہو گئے۔ 

تازہ ترین اطلاعات کے مطابق سیکیورٹی فورسز نے علینگار میں سرچ آپریشن بھی جاری رکھا ہے۔

ٹانک میں کواڈ حملہ

ادھر ٹانک میں ہارس پولیس چوکی لقمان شہید پر دہشتگردوں نے کواڈ کاپٹر سے حملہ کیا۔ 

پولیس کے مطابق کواڈ کاپٹر نے چوکی کے مین گیٹ کے اندر گولہ گرایا، لیکن یہ پھٹ نہیں سکا۔ فورسز نے فوری طور پر کواڈ کاپٹر پر فائرنگ کی، جس کے بعد وہ گاؤں عمرا ڈہ کی جانب چلا گیا۔ 

پولیس نے بی ڈی اسکواڈ کو جائے وقوعہ پر روانہ کر دیا ہے۔