وزیراعظم عمران خان سے آرمی چیف قمر جاوید باجوہ کی ملاقات، سیکیورٹی امور پر تبادلہ خیال

اسلام آباد (ڈیلی اردو/اے پی پی) وزیر اعظم عمران خان سےآرمی چیف جنرل قمر جاوید باجوہ نے ملاقات کی جس میں ملکی سلامتی اور سیکیورٹی سے متعلق امور پر تبادلہ خیال کیا گیا۔

وزیراعظم ہاؤس سے جاری بیان کے مطابق وزیراعظم خان سےآ رمی چیف جنرل جنرل قمر جاوید باجوہ نے ملاقات کی، ملاقات وزیر اعظم ہاؤس میں ہوئی۔

ملاقات میں ملکی سلامتی اور سیکیورٹی سے متعلق امور پر تبادلہ خیال کیا گیا جبکہ مقبوضہ کشمیر، مغربی بارڈر اور اندرونی سیکورٹی معاملات پر بھی تفصیلی بات چیت ہوئی۔

وزیراعظم اور آرمی چیف کی ملاقات میں ملک میں امن وامان اور خطےکی مجموعی صورتحال پر بھی تفصیلی گفتگو کی گئی۔ اے پی پی کے مطابق وزیراعظم نے کہا کہ پاک فوج سماجی و اقتصادی ترقی کی جاری کوششوں میں سہولت پیدا کرنے کے لئے بھی داخلی سلامتی کی پائیداری کو یقینی بنانے میں مصروف عمل ہے۔

ترجمان وزیراعظم ہاؤس کا کہنا ہے کہ وزیراعظم عمران نے ملکی سرحدوں کے دفاع میں پاک فوج کی کوششوں کو سراہا۔