ٹانک میں کالعدم تحریک طالبان پاکستان کے 3 دہشت گرد ہلاک

راولپنڈی (بیورو رپورٹ) سیکیورٹی فورسز نے خیبر پختونخوا کے ضلع ٹانک میں کامیاب کارروائی کے دوران فورسز اور معصوم شہریوں کے خلاف مختلف دہشت گردی کی کارروائیوں میں ملوث تین دہشت گردوں کو ہلاک کر دیا۔

Three alleged TTP militants killed in a security op in Tank. #Pakistan https://t.co/evNbSfsUL7

— FJ (@Natsecjeff) June 30, 2023

پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق 29 اور 30 جون کی درمیانی شب ٹانک کے علاقے منزئی میں پاک فوج اور دہشت گردوں کے درمیان فائرنگ کا تبادلہ ہوا، پاک فوج کے جوانوں نے موثر طریقے سے دہشت گردوں کے ٹھکانے کا پتا لگایا اور تین دہشت گردوں کو جہنم واصل کر دیا۔

آئی ایس پی آر کے مطابق ہلاک دہشت گردوں کے قبضے سے ہتھیار اور گولیاں برآمد ہوئی ہیں۔

آئی ایس پی آر کے مطابق ہلاک ہونے والے دہشت گرد سیکیورٹی فورسز اور شہریوں کے قتل عام میں ملوث تھے، سیکیورٹی فورسز کی جانب سے ممکنہ دہشت گردوں کیخلاف آپریشن کو مقامی لوگوں نے سراہا، مقامی لوگوں کا دہشت گردی کیخلاف تعاون کے عزم کا اظہار کیا۔