پارلیمنٹ اور میڈیا میں دہشتگردوں کی حمایتی آواز کو کچلنا ہوگا، نگراں وزیر داخلہ سرفراز بگٹی

اسلام آباد (ڈیلی اردو) پاکستان کے نگراں وزیر داخلہ سرفراز بگٹی کا کہنا ہے کہ ہمیں پارلیمنٹ اور میڈیا میں دہشت گردوں کی حمایتی آواز کو کچلنا ہوگا۔

تفصیلات کے مطابق اسلام آباد میں ایک تقریب سے خطاب کرتے ہوئے نگراں وفاقی وزیر داخلہ سرفراز بگٹی نے کہا کہ سازشی عناصر نے ہمیشہ ملک کو غیر مستحکم کرنے کی کوشش کی، پاکستان پر دہشت گردی کے نام پر جنگ مسلط کی اور ملک کے خلاف انٹیلیجنس سول وار شروع بھی کی گئی۔

انہوں نے کہا کہ نسلی تعصب سے نکل کر پاکستان کو مقدم رکھنا ہوگا، سکیورٹی فورسز اور پولیس کی دہشت گردی کے خلاف قربانیاں قابل ستائش ہیں، ملک سے دہشت گردی کا ناسور ختم کیا جائے گا۔

نگراں وزیر داخلہ کا کہنا تھا کہ ہمیں کنفیوژن ختم کرنا ہے اداروں کو غیر سیاسی ہونا ہے جب کہ پارلیمنٹ اور میڈیا میں دہشت گردوں کی حمایتی آواز کو کچلنا ہوگا، ہم سب کو یہ جنگ لڑنی یے کل یہ نہ ہو سی ٹی ڈی کے خلاف پرچے کروائیں۔