پاک فوج میں اعلی سطح کی تقرریاں اور تبادلے

راولپنڈی (ڈیلی اردو) پاک فوج میں اعلی سطح میں تقرریاں اور تبادلے کے بعد لیفٹیننٹ جنرل فیض حمید کو جی ایچ کیو میں ایڈجوٹنٹ جنرل تعینات کردیا گیا۔

آئی ایس پی آر کی طرف سے جاری بیان کے مطابق لیفٹیننٹ جنرل اظہر عباس ڈائریکٹر جنرل جوائنٹ سٹاف مقررکیے گئے ہیں۔ لیفٹیننٹ جنرل نعمان آئی جی سی اینڈ آئی ٹی مقررہوئے ہیں۔

لیفٹیننٹ جنرل ساحرشمشاد مرزا وائس چیف آف جزل سٹاف کی ذمہ داریاں جاری رکھیں گے۔ لیفٹیننٹ جنرل عدنان کورکمانڈر بہاولپور تعینات کیے گئے ہیں۔

یاد رہے کہ 12 اپریل کو پاک فوج کے 4 میجر جنرلز کو لیفٹیننٹ جنرل کے عہدے پر ترقی دے دی گئی تھی۔

پاک فوج کے شعبہ تعلقات عامہ (آئی ایس پی آر) کے مطابق ترقی پانے والوں میں میجر جنرل ساحر شمشاد مرزا، میجر جنرل نعمان محمود، میجر جنرل اظہر عباس اور میجر جنرل فیض حمید شامل ہیں۔