پاکستان میں جولائی تک کورونا متاثرین کی تعداد دو لاکھ ہو سکتی ہے، سربراہ ڈبلیو ایچ او

نیو یارک (ڈیلی اردو) عالمی ادارہ صحت (ڈبلیو ایچ او) کے سربراہ ڈاکٹر ٹیڈروس نے کہا ہے کہ مزید موثر اقدامات نہ کیے گئے تو پاکستان میں کورونا وائرس کے مریضوں کی تعداد جولائی کے وسط میں دو لاکھ تک پہنچ سکتی ہے۔

ڈاکٹر ٹیڈروس نے دعویٰ کیا ہے کہ پاکستان میں کورونا وائرس 115 اضلاع میں پھیل چکا ہے۔ انہوں نے کہا ہے کہ کورونا وائرس کا سب سے زیادہ پھیلاؤ پنجاب اور سندھ میں ہے۔

"????????’s #COVID19 Response Plan is a joint strategy of the Government of #Pakistan, the @UN and partners. It is aligned with the @GlobalGoalsUN, Pakistan’s National Action Plan and WHO’s global Strategic Preparedness and Response Plan"-@DrTedros pic.twitter.com/AJylsRC8Wy

— World Health Organization (WHO) (@WHO) April 23, 2020

پاکستان نیشنل اسٹریٹجک پریپرڈنیس اینڈ ریسپونس پلان (Pakistan National Strategic Preparedness and Response Plan) کے متعارف کرائے جانے کی تقریب کے موقع پر اپنے ویڈیو بیان میں عالمی ادارہ صحت کے ڈائریکٹر جنرل ٹیڈروس نے کہا کہ کورونا وائرس کے معیشت پر اثرات تباہ کن ہوسکتے ہیں۔

انہوں نے کہا کہ کورونا کے باعث لاک ڈاؤن کی وجہ سے غریبوں کی تعداد دگنی ہوسکتی ہے، اس سلسلے میں پاکستان، اقوامِ متحدہ اور دیگر اداروں کو متحرک اور جامع حکمتِ عملی کے ساتھ آگے بڑھنا ہو گا۔

"The virus has already spread throughout ????????. 115+ districts are affected, largely in Punjab & Sindh.
The #COVID19 outbreak is creating significant additional pressure on an already overburdened health system, exacerbating the vulnerabilities of affected populations"-@DrTedros

— World Health Organization (WHO) (@WHO) April 23, 2020

ٹیڈروس روس نے مزید کہا کہ کورونا وائرس کے مریضوں کی تعداد سندھ اور پنجاب میں بڑھ رہی ہے، جس سے نظامِ صحت پر نمایاں دباؤ آرہا ہے۔

انہوں نے یہ بھی کہا کہ اس موقع پر ہمیں کورونا وائرس کے سماجی و اقتصادی اور غذائی اثرات کم کرنے پر خصوصی توجہ دینی ہوگی۔

ڈاکٹر ٹیڈروس نے عالمی مالیاتی اداروں سے کہا کہ وہ پاکستان کی فوری مدد کریں۔ انہوں نے واضح کیا کہ عالمی ادرہ صحت پاکستان کا بھرپور ساتھ دینے کے لیے پرعزم ہے۔