پاکستان میں کررونا وائرس  کے دو کیسز کی تصدیق ہوئی ہے، ڈاکٹر ظفر مرزا

اسلام آباد (ڈیلی اردو) وزیراعظم کے مشیر برائے صحت ڈاکٹر ظفر مرزا نے پاکستان میں کررونا وائرس کے 2 کیسز کی تصدیق کردی۔ کراچی اور اسلام آباد سے سامنے آنے والے دونوں کیسز کا لنک ایران کے ساتھ ہے ، مشیر برائے صحت کے مطابق  کررونا وائرس قم شہر میں بہت تیزی سے پھیلا ہے۔

بدھ کی شام  ٹوئٹر پر اپنے پیغام میں  مشیر برائے صحت نے کہا  ہے کہ  میں پاکستان میں کررونا وائرس کے پہلے 2 کیسز کی تصدیق کرتا ہوں، دونوں مریضوں کی سٹینڈرڈ کلینیکل پروٹوکول کے تحت دیکھ بھال کی جارہی ہے اور دونوں ہی خطرے کی حالت سے باہر ہیں۔ کررونا وائرس کے کیسز رپورٹ ہونے کی وجہ سے خوف میں مبتلا ہونے کی ضرورت نہیں ہے، سب چیزیں کنٹرول میں ہیں۔

جمعرات کو ایران کے شہر تفتان سے واپس آنے کے بعد پریس کانفرنس میں صورتحال سے آگاہ کروں گا۔

خیال رہے کہ کراچی میں ایران سے آنے والے ایک نوجوان میں کرونا وائرس کی تصدیق ہوئی تھی تاہم اب ڈاکٹر ظفر مرزا نے دو کیسز کی تصدیق کردی ہے۔ قبل ازیں ترجمان محکمہ سندھ نے اپنے بیان میں کہا تھا کہ 22 سالہ یحیی جعفری نامی نوجوان جو کہ 20 فروری کو ہوائی جہاز کے ذریعے ایران سے واپس آیا تھا اس میں کررونا وائرس کی تصدیق ہوئی ہے اور اسے آغا خان ہسپتال میں آئسولیشن میں رکھا گیا ہے۔

220/ I can confirm first two cases of corona virus in Pakistan. Both cases are being taken care of according to clinical standard protocols & both of them are stable. No need to panic, things are under control. I will hold press conf tomorrow on return from Taftan.

— Zafar Mirza (@zfrmrza) February 26, 2020

ایک نجی ٹی وی سے گفتگو کرتے ہوئے ڈاکٹر ظفر مرزا کا کہنا تھا کہ پاکستان میں کراچی اور اسلام آباد سے سامنے آنے والے دونوں کیسز کا لنک ایران کے ساتھ ہے، دونوں مریض ایران سے حالیہ دنوں میں واپس آئے ہیں، وہ زیارتوں کیلئے ایران گئے تھے۔

SAPM on Health, Dr Zafar Mirza denies all the rumours and clarifies that there are no corona virus cases found in Pakistan – and also explains the measure taken by the govt to prevent it from coming to Pakistan. @zfrmrza @ovaismangalwala #CoronavirusOutbreak pic.twitter.com/EtBFWPUr0G

— Shiffa Z. Yousafzai (@Shiffa_ZY) February 26, 2020

انہوں نے بتایا کہ دونوں مریضوں کی ابتدائی سٹیج پر ہی نشاندہی ہوگئی، ان کا علاج پہلے سے طے شدہ سٹریٹجی کے مطابق چل رہا ہے جس کے باعث ان کی حالت خطرے سے باہر ہے، پاکستان کے لوگوں کو پریشان ہونے کی ضرورت نہیں ہے، جس طرح پاکستان اس خطے کا آخری ملک ہے جس میں کرونا وائرس کے کیسز سامنے آئے ہیں اسی طرح ہم اس پر قابو بھی پالیں گے۔

ڈاکٹر ظفر مرزا کا کہنا تھا کہ کررونا وائرس قم شہر میں بہت تیزی سے پھیلا ہے ، ہمارے ایران کے حوالے سے بھی ایئر پورٹس پر چین کی طرح کے پروٹوکول تھے لیکن ہمارے بہت سے زائرین وہاں جاتے ہیں، ان کی واپسی کے دوران کچھ لوگ متاثرہ ہوسکتے ہیں۔ ایئر پورٹس پر سخت سکریننگ کی جارہی ہے اور تفتان بارڈر کو بند رکھا گیا ہے۔