پشاور میں بکتر بند گاڑی کے قریب دھماکا، ڈیرہ اسماعیل خان میں فائرنگ سے پولیس اہلکار زخمی

پشاور (ڈیلی اردو) صوبہ صوبہ خیبرپختونخوا کے دارالحکومت پشاور کے ہزار خوانی چوک کے قریب دھماکہ ہوا ہے تاہم پولیس کے مطابق اس واقعہ میں کوئی جانی نقصان نہیں ہوا ہے۔

#Pakistan: A vehicle of the security forces was struck by an IED blast in the Hazar Khwani area of Peshawar. https://t.co/g7Mp91nVyX

— ???? (@cozyduke_apt29) May 12, 2024

ایس ایس پی آپریشن کے مطابق ہزار خوانی چوک کے قریب سڑک کے درمیان نصب کیے جانے والے دھماکا خیز مواد کے پھٹنے سے دھماکا ہوا۔

پولیس کے مطابق بارودی مواد کے دھماکے میں کوئی جانی نقصان نہیں ہوا تاہم اس سے نوشہرہ سے آئی پولیس کی بکتر بند گاڑی کو جزوی نقصان پہنچا۔

دھماکے کے بعد پولیس اور بم ڈسپوزل یونٹ کی ٹیمیں موقع پر پہنچ گئیں جبکہ بارودی مواد کی نوعیت معلوم کی جارہی ہے۔

پولیس کا مزید کہنا تھا کہ علاقے کو گھیرے میں لے کر سرچ آپریشن کا آغاز کر دیا گیا۔

ادھر ڈیرہ اسماعیل خان کے علاقے درابن میں موٹر سائیکل سوار دہشت گردوں کی فائرنگ سے جیل کی سکیورٹی پر تعینات پولیس اہلکار زخمی ہوگیا۔

#Pakistan: A cop was shot & injured by unknown gunmen in the Daraban area of Dera Ismail Khan district. https://t.co/xtvSeVmbmN

— ???? (@cozyduke_apt29) May 12, 2024

پولیس کے مطابق تھانہ درابن کی حدود میں علاقہ گنڈی عمر میں موٹر سائیکل پر سوار دہشت گردوں کی فائرنگ سے ایک پولیس اہلکار زخمی ہو گیا جسے فوری طور پر ہسپتال منتقل کردیا گیا ہے۔

واقعہ کے بعد پولیس نے علاقے کو گھیرے میں لے کر سرچ آپریشن شروع کر دیا۔